Tareenka Guulaha Man City Oo Jiiray Schalke , Xasuuq Kubadeed Ayay U Geysteen Xilli Wareegga 8-da Champion-ka Iska Xaadiriyeen

Man City ayaa nasiinada ugu dirtay kooxda Schalke sedex gool oo nadiif ah kuwaasi oo yimid dhamaadkii qeybtii hore , waxa uuna kulankaan ka tirsanaa lugta labaad ee wareegga 16-ka Champipon-ka .

Man City ayaa guud ahaan kubadda maamuleysay oo baasas gaagaaban ayay isu dhii-dhiibayeen halka kooxda reer Jarmal kaliya ay ahaayeen kuwo daafac ah mana u soo baxeysan afka hore .

City inkastoo kubadda ay haysteen hadana halis gilin kuma aysan sameyneyn goosha kooxda martida ah inkastoo daqiiqaddii 13-aad kubad gool aheyd ay birta kaga dhacday Sergio Aguero waxa ayna aheyd fursaddii ugu horeysay ee xaqiiq ah ay helaan Man City .

Heerka kubad haysashada City ayaa gaaray %70 waxa ayna kubadda ku dhisayeen afka hore ee kooxda reer Jarmal kuwaasi oo ay ku adkeyd in si sax ah ay kubadda isaga soo fogeeyaan .

Daqiiqaddii 36-aad waxaa City loo dhigay rigoore ka dib qalad lagu galay Bernado Silva balse dood ka dib waliba dib loogu laabtay barnaamijka VAR waa la ansaxiyay waxaana laaday Aguero oo si cajiib ah shabaqa u dhigay daqiiqaddii 35-aad .

Ka dib goolkaas , City kubadda waa ay sii jiidayeen halka Schalke u muuqdeen kuwo maqane jooge ah oo kaliya marqaati ka ah kulanka waa ayna u nuglaayeen gool labaad .

Daqiiqaddii 37-aad gool kale ayaa lagu helay inkastoo ay ku doodeen Offisde balse mar kale VAR ayaa lagu laabtay waana la ansaxiyay waxaana shabaqa dhigay Aguero ka dib baas uu ka helay Raheem .

Xill xaalka u muuqday in labadaas gool lagu aadi doono nasiinada ayay City heleen gool sedexaad waxaana markaan dhaliyay Lory Sane daqiiqaddii 42-ad ka dib kubad loo soo dusiyay ayuu ka farsameystay daafaca Schalke waa uuna ku husbaday shabaqa , isaga oo tix gilinaya kooxdiisii hore ma uusan dabal degin sidii dhacday lugtii hore.

Soo laabashadii wax gooni iskama badalin hanaanka ciyaarta oo Man City ayaana sameyneysay isku dayo goolal dheeraad ah ay ku raadinayeen halka kooxda martida ay ku adkeyd in ay horay u soo dhaqaaqaan .

Heerka kubad haysashada City ayaa gaareysay %63 waxaana daqiiqadii 52-aad laag diiday gool sababo la xariira Offisde waxaana sidaas sameeyay Sane balse mar kale Raheem ayaa dhaliyay waa la diiday balse VAR ayaa ansixiyay waxa uuan goolkaas yimid daqiiqadii 56-aad.

Ka dib dhacdadaas , waxa ay kooxda martida la daalaa dhacayeen in ay iska ilaaliyaan gool 5-aad , waxa uuna tababare Pep badalay Aguero iyo Silva waxa uuna soo giliyay Gabriel Jesus iyo Phil Foden.

Si waliba, City gool 5-aad oo cajiib ah ayay dhaliyeen ka dib kubad Tika taka aheyd waxaana shabaqa dhigay Bernardo Silva daqiiqaddii 71-aad ka dibna ma jirrin wax laga qoro kulanka, wax aayan City  ahaayeen kuwo baashalayay xilli gool 6-aad  oo uu ka shaqeeyay Sane uu yimid daqiiqadii 78-aad waxaana saxiixay Phil Foden

Bandhigii goolasha City iyo xasuuqii kubadeed ma joogsan waxa ayna heleen gool 7-aad waxaana saxiixay Gabriel Jesus daqiiqadii 84-aad, waxa ayan ku dhamaatay ciyaarta 7 gool oo nadiif ah wax aayan isu geynta labadii kulan City heshay natiijo dhan 10/2

Advertisement

LEAVE A REPLY

Please enter your comment!
Please enter your name here