Saddex Arimood Oo Ay Tahay In Ay Samayso Arsenal Si Ay Guul Uga Gaadho Southampton

Kooxda Arsenal ayaa marti galin doonta kooxda Southampton kulan ka tirsan horyaalka premier League todobaadkiisii 27-aad kulan ay u dagaalamayso kaalinta 4-aad.

Arsenal ayaa haatan ku jirta kaalinta 5-aad laakiin guul ay gaadho ayaa ka caawinaya in ay Man United kala wareegto kaalinta 4-aad.

Gunners ayaa qaab ciyaareed cajiib ah soo bandhigtay kulankii Europa League iyaga oo iska xaadiiryay wareega 16-ka tartanka.

Hadaba waxa aan halkan ku soo bandhigi doonaa 3 arimood oo ay samayso Arsenal si ay guul uga gaadho Southampton:

In Ay Ku Soo Galaan 4 Daafaca:

Taageerayaasha Arsenal ayaa aqbalay in ayna kooxda haatan si fiican u difaacan karin wax walba oo dhaca Laakiin 4 daafac ah oo ay ku ciyaaraan ayaa ka caawin kara in ay ilaashadaan shabaqooda.

Laurent Koscielny Ayay u badan tahay in uu dhaawac ku seego daas oo la macno ah in ay daafaca dhexe ka wada ciyaari doonaan xiddigaha Shkodran Mustafi & Sokratis.

In Ay Dhaliyaan Gool Wakhti Hore Ah:

Maadaama ay kooxda Southampton si xoogan u difaacato gool wakhti hore ah ayaa Arsenal ka caawin kara in ay ciyaartu furanto.

Southampton ayaa isku dayi doonta in ay si fiican u difaacato si ay xitaa kulanka ugala baxaan bar-baro laakiin gool wakhti hore ah ayaa Southampton ku qasbaya in ay weerar galaan si ay u dhaliyaan bar-baraha waxana ay taasi Arsenal u furi doontaa boosas badan oo ay kaga faa,iidaysan karto.

In Ay Si Fiican U Dhamaystiraan Fursadaha:

3-dii kulan ee ugu dambeeyay ee horyaalka ay ciyaartay Arsenal waxa ay sameeyeen fursado badan laakiin waxa ay ku dhibaatoodeen in ay goolal u badalaan.

Khamiistii laba ka mid ah goolasha Arsenal ayaa ahaa qaar ka yimid Madax sidaas darteed Arsenal waxa waajib ku ah in ay sideeda u dhamaystiraan fursadaha ay helaan hadii kale ay ka shalayn doonaan fursadaha ay khasaariyaan kulanka.

Advertisement

LEAVE A REPLY

Please enter your comment!
Please enter your name here