Antoine Griezmann Oo Amaan Ugu Qubeeyay Cristiano Ronaldo Kadib Saddexleydii Atletico Madrid.

Xiddiga kooxda Ateltico Madrid ee Antoine Griezmann ayaa amaanay saamaynta Cristiano Ronaldo kadib saddexleydii uu Juventus kaga caawiyay in ay u soo baxdo wareega 8 dhamaadka tartanka champions league.

Atletico Madrid ayaa kulanka soo gashay iyaga 2/0 ku hogaaminaya kulanka kaas oo ay gaadheen lugtii 1-aad laakiin saddexley uu Ronaldo dhaliyay ayaa Atletico Madrid ka reebay champions League.

Saddexleydii uu dhaliyay Ronaldo ayaa ah midii 52-aad ee xirfadiisa ciyaareed, Griezmann ayaana amaanay qaab ciyaareedka xiddiga 34 jirka ah.

“Cristiano waxa uu sameeyay farqi koox walba oo uu u ciyaaray, waa xiddig cajiib ah ah”ayuu Griezmann u sheegay Movistar.

“Kulankii Lugtii hore wax fursad ah muu helin laakiin kulankan waxa uu helay 3 wuuna dhaliyay”ayuu hadalkiisa sii raaciyay.

Advertisement

LEAVE A REPLY

Please enter your comment!
Please enter your name here